Tembang Macapat iku kalebu salah sijine kasusastran Jawa kang adiluhung. Akeh piweling lan piwulang luhur kang ana ing sajroning tembang Macapat.
Seni macapat iku ana wis wiwit jaman
wali,bab iku kabukti kaserat ana ing
Serat Wulangreh. Kanggo tuladha pupuh III Gambuh :Sekar gambuh ping catur, kang cinatur polah kang
kalantur, tanpa tutur katula-tula katali, kadaluwarsa kapatuh, katutuh pan dadi awon. ( = Ind.” Sekar
gambuh pola yang keempat, yang menjadi bahan perbincangan adalah perilaku yang tidak teratur, tidak mau mendengar
nasihat, semakin lama semakin tak terkendali, hal ini akan berakibat buruk” ).
Tuladha
liyane : Aja nganti kabanjur, barang polah ingkang nora
jujur, yen kebanjur sayekti kojur tan becik, becik ngupayaa iku, pitutur
ingkang sayektos. ( = Ind. “Jangan sampai kau terlanjur dengan tingkah polah
yang tidak jujur, jika sudah telanjur akan mecelakakan, dan hal itu tidak baik.
Oleh karena itu, berusahalah ajaran yang sejati”).
Kayadene kang ditindakake dening penulis iki, ora liya kepengin nglestarekake budaya lan seni adiluhung kang ana ing kasusastran Jawa awujud tembang Macapat. Penulis kepengin banget nguri-uri budaya Jawa, salah sijine yo macapat iki supaya sing durung kenal dadi kenal lan sing wis kenal dadi nyimpen lan nglestarekake ben ora ilang. Nalika kuliah ing sastra Jawa UNS aku latihan gawe tembang macapat . Lan asile gawe mongkoging atiku, amarga bisa kanggo motto ing skripsiku rikala taun 1991. Lan tambah sengsem atiku amarga anakku mbarep uga melu nguri-uri lan nglestarekake budaya Jawa kanthi nutugake pasinaon ing UNS jurusan sastra Jawa. Malah skripsine anakkku ing taun 2012 emoh kalah melu nganggo motto kang padha, yaiku : Tembang Mijil. Tembang Macapat kaiket ing wewaton utawa aturan. Wewaton tembang macapat yaiku guru lagu, guru gatra lan guru wilangan. Guru lagu yaiku tibaning swara ana ing pungkasaning gatra, guru gatra yaiku cacahe gatra / larik saben sapada ( satembang ) lan guru wilangan yaiku cacahe wanda saben sagatra.Tembang Mijil nduwe titikan : mawa paugeran: 10i, 6o, 10e, 10i, 6i, 6u. Watake prihatin, wedharing rasa. Gunane kanggo medharake rasa prihatin. Sasmitane tembang Mijil iki prihatin, isine pitutur utawa piwulang lan uga pawarta kang migunani tumrap kang maca.
Kayadene kang ditindakake dening penulis iki, ora liya kepengin nglestarekake budaya lan seni adiluhung kang ana ing kasusastran Jawa awujud tembang Macapat. Penulis kepengin banget nguri-uri budaya Jawa, salah sijine yo macapat iki supaya sing durung kenal dadi kenal lan sing wis kenal dadi nyimpen lan nglestarekake ben ora ilang. Nalika kuliah ing sastra Jawa UNS aku latihan gawe tembang macapat . Lan asile gawe mongkoging atiku, amarga bisa kanggo motto ing skripsiku rikala taun 1991. Lan tambah sengsem atiku amarga anakku mbarep uga melu nguri-uri lan nglestarekake budaya Jawa kanthi nutugake pasinaon ing UNS jurusan sastra Jawa. Malah skripsine anakkku ing taun 2012 emoh kalah melu nganggo motto kang padha, yaiku : Tembang Mijil. Tembang Macapat kaiket ing wewaton utawa aturan. Wewaton tembang macapat yaiku guru lagu, guru gatra lan guru wilangan. Guru lagu yaiku tibaning swara ana ing pungkasaning gatra, guru gatra yaiku cacahe gatra / larik saben sapada ( satembang ) lan guru wilangan yaiku cacahe wanda saben sagatra.Tembang Mijil nduwe titikan : mawa paugeran: 10i, 6o, 10e, 10i, 6i, 6u. Watake prihatin, wedharing rasa. Gunane kanggo medharake rasa prihatin. Sasmitane tembang Mijil iki prihatin, isine pitutur utawa piwulang lan uga pawarta kang migunani tumrap kang maca.
Tembunge kaya ing kene : Laku lahir lawan laku batin, Yen sampun
gumolong, Janma guna utama arane, Dene sampun amengku mengkoni, Kang cinipta
dadi, Kang sinedya rawuh.
Tegese = Ind. “perbuatan lahir dan batin, kalau sudah menyatu, manusia utama
namanya, bila sudah mempunyai keduanya, yang dibuat akan jadi, yang diharapkan
akan datang”.
Katone amung
satembang gaweanku iki, ananging gedhe banget pigunane/ paedahe.Aku ora pamer
ning apa anane. Nyatane anak-anakku padha bisa nembangake, malah wektu bapakku
isih sugeng saben ndina ora lali ura-ura kanthi nembangake iku. Nganti saiki
ibuku sing yuswane ngancik 84 taun uga ora nate lali nembangake tembang Mijil
iku. Malah saben ngendikani putra wayahe mesthi nganggo tembang iku. Aja goroh,
aja nyolong lan aja ngapusi iku ukara pisanan kanggo mbukak pitutur menyang
putra wayah. Aja goroh tegese ngapusi awake dhewe. Amarga yen karo awake dhewe
wae wis diapusi njur kepiye karo wong liya ? Aja nyolong tegese njupuk barang
kang dudu duweke. Amarga sing nduwe bakal nggoleki. Aja ngapusi tegese ora jujur marang wong
liya. Wong yen saben ndina anane mung ora jujur sateruse ora bakal dipercaya
dening liyan. Yen wis ora dipercaya dening liyan, sing rugi yo awake dhewe. Yen
wis tekan kono banjur ditutugake nganggo tetembangan Mijil kanthi sabar lan
tliti siji mbaka siji. Diwiwiti kanthi dhawuh,
tumindaka antarane lair lan batin iku padha. Ora mung lamis wae. Ketoke
omongane alus, mlipir, urut ril ning ora ngertia yen batine beda karo sing
diomongake. Biasane yen wong sing kaya ngene iki mesthi nduweni pamrih karo
sing dijak omongan utawa tembung liyane kena apus krama. Ora sithik wong kang nemoni kaya mangkene.
Nanging , ora usah khawatir karo kahanan kang kaya mangkono iku. Aja banjur
melu marang wong kang duwe tumindak nistha, awit lahir lan batin yen wis dadi
siji iku bakal dadi manungsa kang utama. Sapa sing ora gelem ? Coba
angen-angenen, apa ana bedane wong kang jujur lan ngapusi ? Eling-elingen ukara
“ jujur luhur dudu jujur ajur”. Saiki akeh tuladha kang dilakoni dening wong
kang duwe niat ora becik. Nyatane, saiki akeh kang duwe hp. Kanthi anane hp iki
yo sing marakake wong dadi ra jujur. Aku nate ngerti dhewe ana sakjerone bis
kota. Lagi nampa telpun, njur ngandhani
menawa lagi rapat lan aja diganggu. Kamangka sing na njero bis iku wong 5 klebu
aku sing ra ditepungi lan kondhektur saksopire. Apa karepe ? Aku dhewe yo ra
ngerti. Nanging ukara kang diucapake
iku wis diarani ora cocog karo batine utawa wis diarani ngapusi.
Umpama dheweke
iku wis ngerti tutuge tembang Mijil mau, aku percaya ora bakal tumindak sing
ora jujur. Ngertia yen lair lan batin iku padha ateges manungsa kang utama.
Nanging isih bisa luwih saka utama yaiku apa wae kang bakal digawe mesthi dadi
lan apa wae kang dipengini mesthi bakal teka. Sapa kang ora seneng ??? Aku
dhewe ora maido lan ora kemresik, amarga yo angel tenan bisa nglakoni tumindak
kang kaya mangkono iku, jujur lahir batin, karo sapa wae, kapan wae lan ana ngendi wae. Tuladha liyane : lagi bab
cilik wae, sing nate dak ngerteni saben dinane, jan-jane yo telat tenan olehe mlebu nyambut
gawe nanging nyatane isih bisa alesan maneka warna. Tuladhane : sing jare ban
nggembos, sing jare bise telat ( malah nyalahne wong liya ), sing jare anake
lara, ana sing kawanen tangine lsp.
Kabeh mau gumantung marang pribadhine dhewe-dhewe. Sing penting ora
kleru mangsuli : “margi larenipun sakit “. Apa ora malah nggegirisi ? Yo muga-muga wae aku dhewe bisa tumindak kang
bener lan pener kaya tembang sing daktulis ing ndhuwur iku. Aku kepengin banget
tumindak jujur, lan uga ngajari murid padha antarane sing sugih lan sing mlarat.
Buktine, nganti saiki sing dak tindakke saben bubar nampa rapot, bocah sing
dakwulang kudu mbiji aku kanthi jujur uga. Kritik lan saran ngganggo ukara kang
dianggo bocah saben ndinane utawa nganggo bahasa Indonesia kanggone bocah kang
isih khawatir basane kleru.. Nganggo jenenge murid lan identitas liyane lan ora
kena ngapusi. Kritik lan saran ora bakal nyuda bijine bocah yen umpamane bocah
iku mbiji ala marang aku apa maneh banjur dhendham marang bocah. Karepku mbiji
ngono kuwi amarga aku ngajari bocah jujur, nglatih ora duwe rasa dhendham
marang liyan, tanggungjawab, legawa. Mula, kanthi ati legawa iklhas lahir lan
batin, aku nampa kritik lan saran saka
panjenengan kabeh. Apa panjenengan ora kepengin nguri-uri budaya Jawa ? Yen
wong Jawa tenan ora bakal lila yen
budaya Jawa ilang , sarujuk mboten ?
Dening : Dra. Sri
Suprapti,
Guru SMP Negeri 8 Surakarta
Tidak ada komentar:
Posting Komentar